تنزل دمعتك
تموت ضحكتك
تلاقي نفسك
غرقان احزان
لا عارف دا
همك
ولا وجع
الاوطان
الام مسكينه
بدمعتها الحزينه
ساكنه الشوارع
كان لها ولد وقف بنخوته
قال للظلم لا
لا الظلم اكتفى
ولا الولد سكن فرشته
ودارت الاهات الحزينه
تلف زقاق المدينه
على شعب مقسوم
وباطل عشعش مداه
دمك انهدر يا بني
زي كرامتك والطابور حياة
امته اخدت حقك
من ال عذبك وهانك
او للغربة باعك
قبض التمن خد مكانك
امك نفسها تشوف قبرك
حرموها حتى من جثتك
ضاعت قضيتك
ماتت امك ...
ماتت من تعليم مالوش سوق
واقتصاد مرهق
من سياحة بتزعق
من ارض متشوقه للزرع تنتج
والسمك بشطنا اميال
وناكله مستورد
مية ملوثه واشرب
ماهي ماتت ...
من مواطن مخدر تايه بيضرب
موظف يمضي يهرب
مسئول همه يسرق
وقاضي سايب الباطل يخرب
من شرطي عالمواطن ينصب
دا حتى الرجاله اغتصبوها
والبنات سجنوها
والصناعة دمروها
ماتت ...
تقول اطفال شوارع
واب في تدبير معشته ضايع
كام نص على كام جنيه
اتبقو من البيه
يمكن يلحق بيهم طابور العيش
لاطفال يتامى من وطن
مسروق حتى لبكره
ونزعق ننادي الامل
اتاري فجره بعيد
لما الشعب يصحى
يقتل زمن العبيد
ليست هناك تعليقات:
إرسال تعليق