الاثنين، 25 فبراير، 2013

يا خوفي








ياخوفي

مكتوب عليك تتغرب
وتهجر المكان
كأن الغربة لحياتك عنوان
كل يوم لبلد وشعوب
تتقلب عليك الوان
دا يحبك ودا يكرهك
وحقك بالحياة مهدور
غالب الاحيان !!
عايز من الدنيا ايه
تايه تلف الاوطان ؟
بلد تروحها بحر
وتغرق زي اخواتك زمان !
وتانيه لازمك كفيل
كأنك عبد مش انسان !
ملكش في بلدك حاجه
غير شواية حب
واخدهم معاك كل مكان
اه من طريق كله حجار
ماشي تتعثر بيه وتنهار
ياخوفي بعد السنين
تندفن في بلد تانيه
لان بلدك ملكش فيها مكان
وتبقى عشت غريب وانت حي
وتلحقك غربة لعالم الاموات
------

ليست هناك تعليقات: