الخميس، 4 أكتوبر 2012

العمر كام يوم




العمر كام يوم

لا عرفنا ليه اتقابلنا وافترقنا
دا احنا حكاية حب
جمعتنا السنين

بعدت بينا الخطاوي
وتهنا معاها
لذكرى الالم  والانين

اّه من ليل يسهر بينا
ودموع  تسكن عنينا
على ناي بصوته الحزين

هو العمر كام يوم
يالي حبك بالروح سكن
ليه تبعد ونعيش متفرقين

فاكر سهرنا سوا
وروحنا حضنه بعضها
زي النسمه لليسمين

ياترى لسه فاكر صوتي
وانا بهمسلك بسكوتي
وتناديني بحنين

هو ليه الحب بقا ذكريات
والعمر كله اصبح اهات
يابو قلب ارق م النسيم

لسه سامعني ولا السكات نساك
لتنسىى حبي والايام وخداك
دا قلبي صاين حبك وله امين

هناك 3 تعليقات:

YASMEN يقول...

يابنى انت مبدع وبجد يابختها انا ماسكة الخشب اهوة

عاطف سعد يقول...

هههههههههههههه
ربنا يخليكي يارب
دا من زوقك

well يقول...

بين الكلمات نغم
..
تحياتى ..