السبت، 27 أغسطس، 2011

بحلم



بحلم

بحلم بكره يكون وردي اعيش
بين الناس مش لوحدي

بحلم لارض بلدنا تخضر وقمحها
يكفي شعبي

بحلم بالمصانع في كل ركن وشارع
تنتج ماركة بلدي

بحلم للبلد دي تكون زي زهرة الربيع
بلونه الوردي

عايزها حرة من اوغاد الزمان وال
عيشوني مهاجر امد يدي

بحلم ابطل غربه وبلاش اورثها
لابني من بعدي

عايزه  لما اكبر يكون جمبي يقومني
ياخد  بيدي

بحلم  لولادي وال زيهم لما يتعلموا
ما يقعدوش جمبي

بحلم  للشوارع والطرق تبقا جميله مش
وقت لما سيادته يعدي

عايزارضي الخير يعمها والقطن يرجع
زي ما كان يزرعه جدي

بحلم تبقا صحتنا كويسه ما يتقامرش
عليها الغريب وابن بلدي

بحلم باخلاق الناس تبقا  كويسه ما تفرقش
بين الفلاح والافندي

بحلم بعدالة التوزيع في كل حاجه بين
ابن الريف والمدني

بحلم يكون لنا كلنا فرص اخد الحق
انا وال جمبي

بحلم بحدودنا محروسه مصونه
من اي ايد غريبه تعدي

بحلم لما اروح للسفير يقابلني
 وانا شايل جثة صاحبي

بحلم للبد دي كلمة مسموعه بين الدنيا
لما الفيتو يعدي

بحلم لبلدي لما العدو يهاجم اختها تقول
لا دا امن قومي

بحلم للسلطان يفهم انه موظف شغلته
تحقيق مطالب شعبي

عارف انه حلم وردي ليا وال زي
نفسهم يتحقق في البلد دي

............................
فداكي روحي يا اغلى البلاد
يا مصر

هناك تعليق واحد:

ابوالسعد يقول...

الله الله على حلمك الجميل وحلم كل شريف بحب مصر العزيزه على قلوب كل المصرين