مش كفايه
مش كفايه انك تعتذر
مش هاتشفي شعبي ال انكسر
مش كفاية تقول دي ضربه وغلطه
اعرف افهم حطيت نفسك في ورطه
وقادة جامعة الدول تستنكر وتشجب
ما نقدرش نرد ونقاتل بضربه
يا شباب اسمع بقا
معدش زمن نرفض ندين
معدش زمن مبارك بشلته الخايبين
دلوتي لغة الحرب والدم الثمين
ما يروحش هدر
العدو ابتدى ودق ناقوس الخطر
مش كفايه انك تعتذر
مش هاتشفي شعبي ال انكسر
مش كفاية قوات وهمية على الحدود
فين جشنا دي الارض ارضنا
من جد جد الجدود
ليه التخطي والتعدي من كيان
في الاصل مالوش وجود
واحمد ينادي يقول لاخوه حنا ومحمود
انا مش خايف من الرصاص والقنابل
وشظيا الشرر
احنا شعب له تاريخ وجيشه
هايرجع الحق وينتصر
داحنا مصر
مصـــــــــــــــر
مش كفايه انك تعتذر
مش هاتشفي شعبي ال انكسر
دي عقيدة كل القادة والجنود ال
ملت من الحراسه والسهر
بانتظار اوامر وقت السفر
ملينا كتر الكلام سلام في سلام
وقتلتو طفل الحجر
هجرو الحمام حرقو الشجر
زمن القول خلص خلاص ال جاي
صوت الحق برصاص زي المطر
مش كفايه انك تعتذر
مش هاتشفي شعبي ال انكسر
-----------------------------------------
تحية وفاء/ لشهداء مصر على الحدود المصرية
اهدي تلك الكلمات لارواحهم الزكية
في ذمة الله وجنانه للعين التي باتت تحرص
في سبيل الله
ليست هناك تعليقات:
إرسال تعليق