الأحد، 11 سبتمبر، 2011

ساكنه جوايا



ساكنه جوايا

شيئ جوايا واخدني
ساحرني بيك!!
اتغرب واتوه بين البلاد
لكن..... انتي ساكنه روحي
يا واخده القلب ومتربعة
ايه اكون في الكون
غير بيك
----
ترابك معايا بكل مكان
ياما اشتقت اتمرغ فيه...
عامله حجاب
يصوني من الاعداء
اشم رحته.. انا من عشاقك
زي ال ساكن جواكي
وبدمه ديما يحميكي
----
وانا بعيد عنك بكون
شارد وهايم
بشمسك , قمرك , نجومك
بحرك , نيلك
يوم اللقا هاسجد شكر لله
يحقق امالك
وانه خلقني فيكي

الدنيا عندي ما تسويش
من غيرك
هي الحياة تبقا ايه
من غير حبيبه؟!!!
هي عنواني , اشجاني...
كل احلامي اتخلقت ليكي

حاضن صورتك وانا نايم
وشايل تاريخك
وانا ماشي بالكون
قالو عني عاشق مجنون ...
قلت لا لا...... ولهان
ودايب بيكي

انا لحم كتافي من خيرك
امي رضعتني حبك
وابويا شيلني الفاس
افلح ارضك واخضرها
جدي بعرقه ودمه
راويكي

يا حبيبتي انتي كياني
حبك خلاني شاعر
في كل حته بين الناس
بدو على كلمه
تتغزل في عشقك
واغني غناويكي

وقت الفجر الشارق
وانا راكع وساجد
بناجي الاله
لجندك واهلك
يارب يحميكي....يصونك
من ايد غريبه تعاديكي

ليست هناك تعليقات: